الوسم: الكويت

قووووة بنات .. شلونكم شخباركم ؟ ..

=)

أسماء المقبولين في كلية الدراسات العليا جامعة الكويت للعام الجامعي –

أسماء 574 طالباً وطالبة تم قبولهم في كلية الدراسات العليا

الف مبرووووك للمقبولين

هذا رأيي بصراحة وارجو ان مايزعلون مديراتنا و مديرات منطقتنا ووزيرتنا
الحين المعلمات مو فاضيين للتدريس كلش ليش؟؟؟؟
اقولكم ليش
يوم صحة يوم شجرة يوم اطفاء يوم ام يوم اسرة يوم طفل يوم تطوع عيد فطر عيد أضحى رمضان راس السنه الهجرية راس السنه الميلادية وانت رايح طبعا عارفين شنو معناة المناسبات معناتها بهرجه و مصاريف ووقت و منشورات و مطويات و كروت معايده و اسراف و عادي انضحي بالحصص بسبيل ان نروح نخلص شغلنا و تنزل الحصص احتياط
هذا غير مسابقاتنا المهمة والخطيرة مثل الرقص الشعبي و الزراعة والمرشدات لازم اليهال يطلعون من الحصص عشان يتدربون على الرقص و الهز للفوز بأعلى المراتب و المراكز و على حساب المنهج و الدراسة و طبعا لازم احنا نساعدهم و ماقص درجاتهم عشان اهاليهم ما يطلعونهم من الأنشطة المهمة و الحساسة و تخسر المدرسة اشتراكها بالمسابقات
نرجع لاعمال المعلمات المهمة مثل اعداد المجلات و المنشورات و البوسترات و المطويات و الكروت (كلها تنقط طبعا ) و عشان اكون متفائله يمكن كل 10 مطويات تقرأ واحده فقط
كل هذا على حساب وقت المعلمه و الطالبات
طبعا هذا غير المطلوب منها من وسائل و تحضير و هذا عندي اهم شي بعمل المدرسة
يعني لازم المعلمة تتفرغ لحصتها و شلون راح تعطي المنهج تحضر الوسائل و عروض البوربوينت و مشاهد مسرحية و تحاول انها اطور اساليب جديدة لتقديم الحصة بس متى؟؟؟؟ اهي فاضية ؟؟ اهم شي المناسبات و الانشطة و المراكز و البهرجة و الاشياء اللي مكتوب عليها اسم المدرسة لكن الطالبات لأ كافي انهم يداومون و مايغيبون درسوا مادرسوا عاااااااااااااااااااااااااادي

نكمل المهام اللي على المعلمة
الدروس النموذجية او الورش هذا غير طبعا الاحتياطات و المناوبات و الاشراف الاداري و مربيات الفصول هههههههههاااااي
طبعا ما تكلمت عن اذا كانت الناظرة ممتازة و متعاونه مع المنطقة شنو يكون مصيرها المسكينه اي تجمع يكون عندها يعني تجمع المديرات او التوجيه او معارض و طبعا منو بيتحمل ؟؟؟ معلمات هذي المدرسة غير اعمالهم طبعا
———————————————————–
تصدقون المعلمة جاهزة انها تسوي كل السابق و بالأخير شنو التقدير لها؟؟؟؟؟؟؟؟؟؟؟؟؟؟؟؟؟
ماكو ساعة رضاعة !!!!
ماكو امومة و اذا فكرتي تاخذين امومة راح ينقلونج عقابا من المدرسة
لو بتستأذنين من رصيد الاستئذان مو بكيفج تستأذنين اي وقت تبينه ليش رايحه؟ ليش شعندج
الدقيقة اللي تتأخرينها راح يسألونج عنها بورقة رسمية و توقعين عليها
بعد؟؟؟؟؟؟؟؟؟
كملو عني و قولولي شرايكم

للأمانة انا احب مديرتي وايد و اهي حيل متعاونة معانا لكن يحز بخاطري اللي قاعد يصير بالمدارس و التفاهه اللي ماشفناها ايام دراستنا الله يرحم معلماتنا و المسئولين اللي كانو ماسكين الوزارة
صج تعلمنا و استفدنا و احترمناهم و حبيناهم الله يجزاهم كل خير