ياللي جرحت القلب من دون تخدير
الله حسيبك كيف تنسى غرامي
بعت المحبه دون داعي وتبرير
بعته وجسمي صار فيه انقسامي
روحي معك راحت ولا احتاج تفسير
انت غدير الما وانا منك ضامي
والا كما دلون رميته على البير
عوّد كما كان وعليه الملامي
عوّد و ظني فيه ورد ونواوير
وخاب الرجا والوضع صار انعدامي
وحل الظلام وودع الصبح بالخير
وتساوت الايام في كل عامي
اشوف هذا مثل هذا وانا غير
واسمع كلام الناس هذا كلامي
ياللي خذيت القلب من دون تفكير
اشكيك للي خالقك من عدامي
غرك زمانك ياشبيه العصافير
ياللي تغرد ثم تكسر عظامي
لكن خذها دون رحمه ولا خير
خذها وانا فارس و صياد رامي
اعرف متى اسج القدم واعدل السير
اعرف قوانين العرب والنظامي
يا طير ياللي لك جناحين وطيّر
فوقك سما والجو حولك عسامي
بأودعك دام الليالي تباشير
والحب ودع مع حلول الظلامي
بعت المحبه دون داعي وتبرير
وانا معك وانته عليك السلامي
ياللي جرحت القلب من دون تخدير
الله حسيبك كيف تنسى غرامي
بعت المحبه دون داعي وتبرير
بعته وجسمي صار فيه انقسامي
روحي معك راحت ولا احتاج تفسير
انت غدير الما وانا منك ضامي
والا كما دلون رميته على البير
عوّد كما كان وعليه الملامي
عوّد و ظني فيه ورد ونواوير
وخاب الرجا والوضع صار انعدامي
وحل الظلام وودع الصبح بالخير
وتساوت الايام في كل عامي
اشوف هذا مثل هذا وانا غير
واسمع كلام الناس هذا كلامي
ياللي خذيت القلب من دون تفكير
اشكيك للي خالقك من عدامي
غرك زمانك ياشبيه العصافير
ياللي تغرد ثم تكسر عظامي
لكن خذها دون رحمه ولا خير
خذها وانا فارس و صياد رامي
اعرف متى اسج القدم واعدل السير
اعرف قوانين العرب والنظامي
يا طير ياللي لك جناحين وطيّر
فوقك سما والجو حولك عسامي
بأودعك دام الليالي تباشير
والحب ودع مع حلول الظلامي
بعت المحبه دون داعي وتبرير
وانا معك وانته عليك السلامي
