الوسم: المحبه

دخيل اللي تبي.. ولا.. دخيلك.. يارفيع الراس
. . . أبي منك تجي.. ولا.. تجي.. ولا.. " تهيـالي" !
أو انك.. كان مارديت لاصحابك.. ترد الناس!
. . . أو انك .. لاترد الناس.. واتركني على فالي!
غيابك.. ماكفاه انه.. منعني.. عن دفا الجلاس
. . . بدا يعبث.. بأعز الذكريات.. اللي على بالي!

* * *

اطلق سراح الرضى وانعم بلذاته
. . . . مافي الزعل خير لاتزعل وتزعلني
الحب لاتشتقي وتعد غلطاته
. . . . . . .اذكر جميل الغلا واقنع وكلمني

القلب لك بالغلا خضرنٍ مساحاته
. . . ترعى النوامي وانا بالبال ، تشغلني

راعي الهوى مايدور غير مشهاته
. . . . .اعدل معك بالمحبه وانت تظلمني

ماهو بقلبي معك يلعب برغباته
. . . . . . ماكنه اليوم من روحي ولا مني

لاتاخذ الهاجس الخايف بنياته
..حاول تخالف شكوك النفس وافهمني

لاتحرق القلب يالغالي بحسراته
. . ان كان يرضيك زود الشوق ف مهلني

لو يدرك اللي يبيه الحي مافاته
. . . . . . . لقيتك بحبي الاول ،، تعللني !!

وان كان شككت في قلبي وغاياته
. . عندك قضاة الهوى والحب " حاكمني"

* * *

مٍخرجٍ ~

وصرت أحيا بلا صاحب ولا ذكرى ولا خناس!
. . . وابيك تردني.. ياعزوتي.. لا اصيح: عزااالي!
وانا ياصاحبي.. ماقلت لك ياصاحبي.. لاباس
. . . ولكن.. قلت: ياحالي أنا.. " لاباس ياحالي" !
أبد ماهو سجن ذاك المكان الممتلي حراس
. . . ولكن السجن هذا المكان الموحش " الخالي "!