بنات انا منحرجه وايد والي بتساعدني الله يوفقها أبي طريقة عيش البرياني

10 تعليقات على “بنات انا منحرجه وايد والي بتساعدني الله يوفقها أبي طريقة عيش البرياني”

1. في سؤالين بعد

   بالنسبه لبرياني الدجاج مابي الدجاج يكون يابس يعني ابي يكون لين

   والسؤال الثاني ابي طريقه برياني اللحم

   اسفه على الازعاج

   الله يجزاكم خير يارب

   ---

   ---

   رد

2. اقتباس:

   المشاركة الأصلية كتبت بواسطة شوشو ونونو السلام عليكم ورحمة الله وبركاته بنات انا توني متزوجه وماعرف كلش بالطبخ بس ابي اسال اذا طبخت العيش البرياني مثلا شلون يصير لونه اصفر وشلون احط معاه بهارات واي بهارات بالضبط والزعفرا شلون احطه ؟؟ ومشكورين خواتي وماقصرتو

   هلا حبيبتي
   عادي التجارب بالطبخ اتعلمج،،لا تحاتين ولا تنحرجين
   وفي كذا موضوع عن البرياني بالقسم راح يفيدونج
   والعيش يصير لونه اصفر اذا عقب ما تفوحينه ثلاث ارباع فوح تشخلينه بمشخال و تصبين عليه الآتي:
   نص قلاص ماي ورد تنقعين فيه شوية زعفران وشوية هيل ناعم وشوية صبغ العيش اللي علبته حمرا
   وتوزيع ماي الورد والزعفران على العيش يكون بملعقه وعلى حسب رغبتج في اشكثر تبين يكون الصفار بالعيش.
   وغالبا البرياني يكون طبقات..طبقه خلطة اللحم او الدجاج وبعدين فوقه كميه من العيش وترشين عليها من ماي الورد والزعفران وشوية بقدونس وكزبره ونعناع مفرومين ..وهكذا نستمر بالطبقات ..واذا وصلنا للوجه نرش ماي الورد والزعفران على وجه الجدر.
   والبهارات ..البهارات العاديه الحب مثل الدارسين والمسمار والهيل وورق الغار..وتضيفين عليهم بهارات مشكله ناعمه اللي بالعلبه الخضرا ومتوفره بكل الجمعيات.
   عساني اكون قدرت افيدج حبيبتي…

   ---

   ---

   رد
3. تفضلي جم رابط فيهم طريقه البرياني بالصور ومع صينبه دجاج بالفرن

   http://www.q8yat.net/showthread.php?t=422658

   http://www.q8yat.net/showthread.php?t=411170

   http://www.q8yat.net/showthread.php?t=391402

   http://www.q8yat.net/showthread.php?t=431700

   http://www.q8yat.net/showthread.php?t=400871

   http://www.q8yat.net/showthread.php?t=375976

   انا مااعرف بطبخ بس دايم اسمع انه يحطون بهارات برياني وزعفران بقلاص ماي صغير ويكبونه عليه عشان يصير اصفر

   ---

   ---

   رد
4. حبيبتي عشان العيش يصير اصفر بالبرياني في صبغه عند البهارات اسنها صبغه البرياني في ناس يحطونها وفي ناس يحطون بهارات ورشه كركم بكلتا الحالتين يصير اصفر

   والزعفران ياقلبي ييبي ماي ورد واذا ماعندج عادي الماي العادي
   وحطي شويه من الزعفران وخليه فتره لين الماي يصير لونه حلو يعني يبيله ربع ساعه على الاقل تنقعينه او اكثر

   والدياي اول شي فوحيه مع طبعا بصل مقطع وكركم وملح وناس يحطون هيل ومسمار عرفتي الخلطة هذي تيي مشكله صوب البهارات فيها هيل ومسمار ودارسين عقب ماتفوحينه ويستوي تكونين مقصصه بطاط وتقلين البطاط اول شي والبصل وجزر وطماط فلفل اخضر وحطي الدياي فوقهم وحطي بهاراتج وخليهم مع بعض شويه 5 دقايق وتالي انتي طبعا زهبتي العيش تحطين اول شي شويه دهن بالجدر وعقب نص كميه العيش وتالي تحطين خلطة الدياي وعقب تحطين باقي الكميه مالت العيش وترشين فوقه ماي الزعفران بالملاس افضل عشان يتوزع وخففي النار حده وخلي العيش يتسكر

   ---

   ---

   رد
5. ههههههه

   كلنا في الهوا سوا

   واول شي بتسوينه البرياني خلج مثلي جربي فيه الصواني العيش الاحمر العيش الابيض مع مرقه الكفته ترى يحبونها الشباب

   ---

   ---

   رد
7. صج حبيبتي نسيت اقولج
   أنصحج نصيحه دشي ركن المطبخ تالي في كلمه فوق تحت عدد الصفحات بالضبط على اليسار مكتوب البحث في هذا المنتدى

   كتبي اللي تبينه مثلا برياني ويطلعلج كل مواضيع عن البرياني اللي البنات كاتبينها والله شوفي المصور افضلج اخاف ماتفهيمين على كلامي لانه مافيه صور

   وحبيبتي روحي مكتبه جرير والله كتب الطبخ عجيبه فتحيلج كتاب شوفيه اذا عجبج اخذيه وانصحج تاخذين اللي فيه الوجبات الاساسيه اكثر يعني مو الحلويات لان الرياييل يموتون بالعيوش وهالسوالف وفي كتب مقسمه فيها كل شي شوربات سلطان وجبات رئيسسه حلويات والله يوفقج يارب وادعيلنا ياقلبي

   ---

   ---

   رد
8. مشكوره اختي بنت كيو 8 حفظت الموضوع عندي ماقصرتييييييييي

   ---

   ---

   رد
9. الله يجزاكم خيييييييييييييير يارب

   ماقصرتو على الرد وصج صج استفدت وان شاءالله يطلع طبخي حلو يارب

   ---

   ---

   رد
10. ان شاء الله تطلعين ممتازه بالطبخ

    البنات ماقصروا

    ---

    ---

    رد
11. ماشاء الله البنات ما قصروا

    وشوفي هالمواضيع راح تفيدج

    http://q8yat.net/showthread.php?t=41…D1%ED%C7%E4%ED

    http://q8yat.net/showthread.php?t=43…D1%ED%C7%E4%ED

    http://q8yat.net/showthread.php?t=42…D1%ED%C7%E4%ED

    http://q8yat.net/showthread.php?t=43…D1%ED%C7%E4%ED

    http://q8yat.net/showthread.php?t=40…D1%ED%C7%E4%ED

    http://q8yat.net/showthread.php?t=37…D1%ED%C7%E4%ED

    http://q8yat.net/showthread.php?t=30…D1%ED%C7%E4%ED

    http://q8yat.net/showthread.php?t=36…D1%ED%C7%E4%ED

    http://q8yat.net/showthread.php?t=26…D1%ED%C7%E4%ED

    ---

    ---

    رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.