السلام عليكم
بنات شلونكم وشخباركم،،، انا الحين قاعدة اجهز لعرسي عقب جم شهر وبصراحة انا اول بنت اتزوج ابيتنا وماني عارفة شنو اهي المتطلبات،،،، تخيلوا لما اقرا عن الاكريمات الي تكتبوبها والبودرات والله اول مرة اسمع فيها مثل بودرة يوريان ديكي ومادري شنو؟؟؟
ابيكم تكتبون لي شنو اشتري من هالشغلات انا الي عارفة وقاعدة اشترية قمصان نوم وبدلات طلعة ودراريع وعطور ومكياج … طبعا هذا غير تجهيزات العرس من بدلة ومسكة وهالسوالف ،،، يمكن المفروض هالموضوع احطة بركن العروس لكن انا ابي خبرة المتزوجات والي عارفين كل شي اكثر من العرايس …. شنو الضروريات والكماليات الي لازم اشتريها …. وانا راح اسكن ابيت اهل زوجي فشكثر يبي لي دراريع لبيتهم ؟؟ وشلون نوعها يكون ؟؟؟ اول الايام كشخة بعدين عادية ؟؟؟؟ وجم دراعة كشخة وجم دراعة عادية 
))))))))
ميخالف طولوا بالكم ولا تلوع جبدكم مني
ابي اسامي كريمات وبودرة ومن وين ألقاها؟؟؟؟
وعندي سؤال بعد:: انا من النوع الي بطني وظهري في شعر اسويه شيرة؟؟ والا اشقرة ؟ والا اخليه عادي ؟ انا بطني خفيف بس ظهري خصوصا من تحت فيه وايد؟
شسوي فيه؟؟؟
ومشكوووووووووووووووورين وانا بانتظار رسايلكم
السلام عليكم
بنات شلونكم وشخباركم،،، انا الحين قاعدة اجهز لعرسي عقب جم شهر وبصراحة انا اول بنت اتزوج ابيتنا وماني عارفة شنو اهي المتطلبات،،،، تخيلوا لما اقرا عن الاكريمات الي تكتبوبها والبودرات والله اول مرة اسمع فيها مثل بودرة يوريان ديكي ومادري شنو؟؟؟
ابيكم تكتبون لي شنو اشتري من هالشغلات انا الي عارفة وقاعدة اشترية قمصان نوم وبدلات طلعة ودراريع وعطور ومكياج … طبعا هذا غير تجهيزات العرس من بدلة ومسكة وهالسوالف ،،، يمكن المفروض هالموضوع احطة بركن العروس لكن انا ابي خبرة المتزوجات والي عارفين كل شي اكثر من العرايس …. شنو الضروريات والكماليات الي لازم اشتريها …. وانا راح اسكن ابيت اهل زوجي فشكثر يبي لي دراريع لبيتهم ؟؟ وشلون نوعها يكون ؟؟؟ اول الايام كشخة بعدين عادية ؟؟؟؟ وجم دراعة كشخة وجم دراعة عادية
ميخالف طولوا بالكم ولا تلوع جبدكم مني
ابي اسامي كريمات وبودرة ومن وين ألقاها؟؟؟؟
وعندي سؤال بعد:: انا من النوع الي بطني وظهري في شعر اسويه شيرة؟؟ والا اشقرة ؟ والا اخليه عادي ؟ انا بطني خفيف بس ظهري خصوصا من تحت فيه وايد؟
شسوي فيه؟؟؟
ومشكوووووووووووووووورين وانا بانتظار رسايلكم
– عطر ( كو كو شانيل) من شانيل … الصراحة ما فيه حيله، وصدقيني يكفي انج ترشين بس رشتين على الجسم بعد ما تاخذين حمام دافيء وتحطين قطرتين دهن عود خلف الاذنين..امممم…نتايجة عجيبة
– عطر (هوت كاتور) الجديد من (جافينشي)
– عطر (ألور) من (شانيل)…بيجنن كتييييييير
– عطر (هوت هوجو) الأحمر
– عطر (ميراكل) من (لانكوم)…باردة جدا ريحته
– عطر (جلوريا) من (كاشاريل)…تدوم ريحته لفترات طويلة
اوتوريد من جيفنشي
شيك من كارولينا هيريرا
و عطور نينا ريتشي رهييييييييييبة و هي من أفضل العطور بالنسبة لي
– واذا تبين عطور عربية نصيحتي تاخذين من عطور أجمل الفرنسية، واكثر واحد بيعجبج عطر (جادور) وله نفس ريحة عطر (جادور) من (كريستيان ديور)..هذا حلو وريحته باردة جدا وخاصة لما تصبين منه قطرات على الفرش مع قطرات دهن عود الشمس ..تخلف ريحة تخبل ونتايجها اكيدة
و دهن عود معتق من اجمل (((( هذا رهيب جدا جدا ))))
هو صح غالي لكن و الله لما تشميه تعرفي ان اختيارك صح
مناسبة من عبد الصمد
ولا تنسي المخمرية من عبد الصمد
ومسك العروس من نفس المحل ايضا
واطلبي منه عطر للفراش
بيعطيكي العطر مع زجاجة فاضية بخاخ علشان تحطي فيه العطر اضافة لذلك بيعطيكي عطر (( صرح )) تقطريه فيه
وتعالوا شموا الريحة
أما عن العود المعطر ( اذا فكرت العروس تضيفه لزهبتها) ، نصيحة لا تاخذ من اي مكان وتاخذ من (العود المخمر) من (ملك العود) وانتبهي عود مخمر مش مبخر تراه يفرق، وهو صح غالي سعره بس ثمنه فيه لانه عن تجربة فعلا( ما فيه حيله) ويمكن الشي الوحيد اللي يحلي زهبة العروس واللي ما بتندم على انها اختارته، وصدقوني للحين كل ما يخلص اروح اشتري من بزيادة.
وفيه عند (ملك العود) بعد خلطة على شكل بخاخ اسمه (سفير) ، الصراحة قمة في الروعة عبارة عن خلطة دهن عود وريحته(خنينة) يعني رشة وحده منه كأنج داهنه جسمج ببدهن العود، وعلى فكرة مب غالي سعره (90 درهم) ، ولو خذته العروس بتلاحظ انه مكتوب عليه افضل عطر شرقي لعام 2018 في دبي.
ونصيحة خواتي ابعدوا عن كريمات الجسم اللي يستخلصونها من العطور العربية المركزة او حتى دهن العود لانها تضر الجسم وتسبب امراض جلديةعلى المدى البعيد، وممكن استبدالها بكريمات خفيفة وطبيعية مثل اللي تنباع في (بودي شوب) .
طبعا الدخون أنواع كثيرة وكل الحريم ماشاءالله عليهن يطلعون لنا بالجديد منها، وفي هذا امهاتنا الله يطول بعمرهم مب مقصرات ممكن يعطون العرايس خير المشورة فيها وطبعا كله يرجع لذوق العروس. انا عني خذت عدة انواع من الدخون واغلبها من اللي يبيعونها الحريم.
واخيرا بالنسبة للعروس اللي تريد تاخذ عطور لعريسها ومش اي عطور طبعا المميزة منها،(وعن سابق تجربة وخبرة في عطور الرجال) أم سعيد تنصحكم بإهدائه العطور التالية
– أحلى عطر رجالي _وعلى قولة بو سعيد_ الطابوقة (من كبره)…عطر
(71 ) للرجال هذا ريحته بعد ما تبرد ترد على العود..وطبعا احلى الروائح على الرجال رائحة العود الطبيعي.
– عطر (حجر) عربي ومخلوط بدهن العود من (محلات سيد جنيد العالمية)
– عطر (مايكل) من (شانيل) هذا من تميزه وغلا سعره يبيع منه بس باريس غاليري وبكمية محدودة
– وطبعا غير العطور من ماركات اخرى واللي هي ممكن تكون اساميها قديمة ولكن سمعتها فيها للان وصدقيني الرجل لا يهمه ان كان العطر جديد او لا ، المهم تميز رائحة العطر ولو كان من زمن اجدادنا
عندج عطر: جيفنشي الاحمر للرجال
– (دولتشي جابانا ) الابيض (الزيبرا)
– (ديزاير) الأزرق والاحمر من (دانهيل)
– كيتون
– جوووووب
– (انتيتيوشن) من (استي لاودر)
– (كو كو شانيل) من (شانيل)
– ( جوتشي راش) الابيض من (جوتشي)
منقول
ثانيا، بالنسبة حق الهدوم لا تلبسين كلا دراريع، لبسي جينزات وبديات وتنانير قصيرة، وبعدين هذا يعتمد على حمولتج اذا مافي صبيان بالبيت استانسي، وحتى لو في لازم تكثرين من هالاشياء عشان تلبسينهم حق ريلج داخل الشقة، روحي لاند مارك او بوسيني او مانجو او توب شوب هذول المحلات متروسة خرابيط شورتات وبديات ونفانيق وجينزات……………الخ وحاولي مع كل بدلة تراجي اكسسوارات، يعني ابيج تعرفين ان اذا انتي بالبيت مو معناته لازم دراعة لا بالعكس كشخي وخل ريلج يشوفج دايمن مرتبة وحتى خالتج خل تشوف انج مهتمة بشكلج، ماشالله في وحدة اعرفها من كثر ماتكشخ بالبيت جنها بتطلع مع انها كبيرة وعندها عيال، اشتري بعد هلهبات (جي جي ) شبك في بتوب شب كل الالوان، عشان اذا لبستي شي قصير يصير حلو والريايييييييييييل يموتووووووووووووووووون على هالنوع من الجيجيات، حطي ميك اب خفيف بالبيت او على الاقل قلوس، و هم اشتري نعل بيت، حيول
واذا انتي متحجبة اشتري طقم عباة مع ملفعها حق سبحان الله عزا شي ما مشيات الا انتي عندج شي ذرب
اشتري علب حق اكسسواراتج وحق مكياجج عشان تصيرين مرتبة من اولها
نصيحة نصيحة نصيحة!!!!! لا تكثرين وتبالغين بشراء الهدوم الضيجة والقصيرة لانج احتمال تمتنين او تحملين
ولا تكثرين من العطور والكريمات الا لما تعرفين ريلج اي نوع من العطور يحب، يمكن فيه حساسية اسمالله عليه او يمكن مايحب العطور القوية ولان مايخلص المهر غير هالخرابيط، اشتري شي بسيط وبعد الزواج يصير خير لا تقولين لا احسن بخلص كل شي من الحين لالالالالالالالالالاتستعيليييييين
-مادام انج ساكنة عند حمولتج هالله هالله بخااااااالتج ولا تشتكين منها عند ريلج او من اي احد من اهله لان الريال (ما يقدر يغير امه بس يقدر يغير مرته) وحتا لو اهو كان ضدها اكيد بيوم من الايام بيفكر ان انتي السوسة وامه اهي الصح لوول
-لا تصيريييين حنانه ترى طفارتهم الحنة والملاحق: وينك، متا بترد، وكل شوي مسج …..الخ
-لا تصيرين طماعة اذا كان من النوع الكريم ويدفع، انشالله، يعني مو اي شي يعجبج ولا لا تشترينه، يستانس اذا المرة خافت على حلاله او ما تفسفس فلوسه جنها مو شايفة خير ، بس هااااااااااااااااا مو تتنازلين عن كل شي، لا بالعكس اشتري ودلعي روحج بس بحدووووود يعني لا تنطرينه يقول لا ماني معطيج فلوس بسج لوول
-لاتقارنينه باحد من اهله او ربعه كل طالعي محاسنه ومدحيه وشكريه على اي اهتمام منه لج واذا انتي من النوع الجريء مو مثلي مدحيه جدام اهله وخصوصا امه اووووووووووووه شنو ينتفخ!!!
اذا تذكرت شي بكتبه
موفقة حبيبتي
وموفقه
وماشاء الل عليج يا أم فروحه
وفيتي وما قصرتي
**تجهيـــــ العروس ــــــزات من الألف إلي الياء **
!~¤§¦كل ما يهم المرأه الكويتيه ¦§¤~!
شوفي هالمواضيع وايد فيه شغلات روعه
وأن شاء الله لم بحصل شغلات بقولج
وموفقه
وادي الغروب
وام فرح
كفووا ووفوووا
ومثل ما قالوا اشتري جم دراعه سنعه حق اول الايام وهم اشتري دراريع ذربه حق القعده اليوميه وياهم وحق شقتج اشتري بديات وبنطرونات وشورتات وهالسوالف هذا غير البجايم الحلوه والانجريات ووتكرمين جواتي عمليه وجواتي حق البدل وصنادل ودسات حق البيت وجنطه او جنطتين ماركة وجم جنطه عمليه حق الكلية او الدوام او الطلعات هذا غير المكياج والعطورات الي ذكرتهم بعد الغروب وهذا الي في بالي الحين
وموفقه يالغلا
صراحه البس البنات وفوو وكفوو بس هم اذا تبين نصيحتي مهرج شوي شوي عليه لاتستعيلين بشي لانه كل شوي ينزل شي يديد وخري عن التقليدي واذا تعرفين خياط شاطر انصحج تسوين قمصانج عشان تضمنين الغريب والمتميز
وحطي نوته بجنطتج وكتبي كل شي تشترينه على شكل جدول لانه الفلوس بتخلص وبدين تفكرين انا شخلصتها عليه
سويلج مثل لسته بالمبالغ يعني مثال
دراريع 300
من الحين عشان مايقول هاذي شفيها فصعه ( اسمحيلي طبعا ) اشتري شويه بس لمن تعرفين اهو شحب اشتري بعدين اشتري ست ملابس داخليه تمشي مع كل قمييص
مكياج —
قمصان —-
اي صج على طاري القمصان لاتشترين المفصخ والمشخلع
وبالتوفيييق
بس بقبولج قبل لا انسا ترا ملوت البودي شوب مافيهم طعم بالعكس طعمهم دهن مر
جان عندج احد بيروح سعوديه خل اييبلج من نكتار بورداتهم رخيصه وكويه وطعم وريحه وايد حلويه خصوصا الكابتشينو والفراوله
نصيحتى لاتكثرين عطورات وكريمات لانج راح تزهقين منهم وبعدين عشان تقدرين توفرين حق الدراريع والشغلات الثانيه
اشتري 5 عطورات مركزه وحجمها صغير+3 عطورات خفيفه للبيت وللصبح عندج البودي شوب عنده عطورات خفيفه وبارده
اشتري 5 دراريع فخمه اللي تجي على شكل بدلات يعني تجي قطعتين او ثلاث احلا وارقي من الدراعه العاديه اللي قطعه وحده
و5 دراريع قطعه وحده فخمه
وكثري من دراريع البيت الناعه مو الجاهزه, ,شغل حريم احلا عشان تنزلين على الغدا فيهم
مكياج هم لاتكثرين اشتري كريم اساس افتح من بشرتج وثاني طبيعي عشان الصبح او الغدا
ومكياج الهنود حلو نفس الماركه واخذيه من سوق الزل اللي بالكويت حيييييل ارخص من السوق
وهم العطورات عندهم بس مو تحت بالسرداب لا فوق والله اشتري منهم حيل ارخص من السوق ونفس الريحه جذاب اللي يقولج مو اصلي تقليد الامارات والله نفس ونفس العلبه والريحه تقعد اسبوع بدراعتي
والملابس الداخليه روحي لاسنزا مسوي تنزيلات واااااااااااو نص السعر والله
وهم لاتاخذين غالي من القمصان لان حرام ماتلبس الا شوي وزوجج شعرفه هذا اصلي ولا من الهنود هههههههههههه
حلاتج تقطين فلوسج بشي بشوفونه الناس ويعرفون اصلي ولا لا
والصنادل هم اخذي من ناين وست اشحلاته وذرب
وسوري طولت عليج بس لي ذكرت شي علمتج