يا بدر ليلك طال لازم تبيني " قصيدة " .

السلام عليكم …

مدخل …

للعقل والقلب معارك كثيرة في ذات الشخص …

فمرة ً يكون العقل هو ذو الصوت الأقوى ومرة ً نجد القلب …

وأكثر الأجواء التي يكون فيها القلب أرفع صوتا ً هي الأمور العاطفية …

وما الحب سوى أحد أهم ممالك تلك العواطف …

وفي تلك الأجواء يكون القلب غير مكلـّف إن صح التعبير ,ولكن …

بما أنه هو القائد !! ليس للعقل سوى النصح ومجابهته بالحقيقة الدامغة !!

ليدع القيادة للعقل !!

أحبتي …

تمت المحاولة من قبلي لرسم إحدى اللوحات والتصوير لما تطرقت له في عاليه …

فكانت هذه القصيدة , عسى أن تحوز على بعضا ً من إستحسانكم …

***

ياللي على طرياك دوم تحديني = يالله عساها عن طوارييّ حدّتـك
دنيا ً تطرّي كل شيء ٍ دفيني = ولا عمرها الذكرى عن الحال سرّتـك
إما تجيب أيام فيها حزيني = وإلا تجيب أيام بـالــزين غرّتـك*
والحيل ما من حيل فيه أستعيني = حيلي فنيته في هواجيس طرّتـك*

ما بيك تذكر شيء ليّه يديني = وأنا المشاعر بالمفاتين برّتـك*
الله يبيحك قبل موتي يحيني = وجعلك تسامح مـُـنيتي يوم بدّتـك*
أدري الأماني في حياتك تبيني = أدري , ولكن نفسها اليوم ضرّتك
سد ٍ توارى حال بينك وبيني = ياليتها الأقدار من قبل ورّتـك*
ياعقل في جفواه عذرك سميني = والقلب ما هو عارف أسباب مرّتـك
القلب تايه بين شك ويقيني = لا هو تبع شكّه ولا طاع جرّتـك*
يا بدر ليلك طال لازم تبيني = الليل موحش لينها تبين غرّتـك*
خلنا نتسامر بين وجهك وعيني = ياما عن عيوني به غيوم ذرّتـك*
ملـّـيت أقلـّـب في متاهة سنيني = وإذا تعذرّني فالاعذار برّتـك*

******** type=”text/**********”>doPoem(0)***********

_________________

• غرتك : القصد فيها التغرير والإغواء
• طرتك : مؤخوذ من الطاري والذكر
• برّتك : مؤخوذ من البر والعرفان والخدمة
• بدتك : جعلت لك الأولوية عن الغير
• ورتك : جعلتك ترى هذا السد
• جرتك : إتباع طريق اليقين خطوة بخطوة
• غرتك : المقصود بالغرة هي وجه البدر
• ذرتك : صارت عائق وحجاب بيننا
• برتك : أي بريء من الخطأ في حال رفضك لمسامرتي !!

مــــ رســـ ى

..