التصنيف: السياحة في وطني الكويت

مطعم ذو الاجواء الرومانسية

من احلى المطاعم بالكويت الي الواحد يحس لما يدخل المطعم باحساس اجواء البيت والهدوء .. انا شخصيا استانس علية لانة الوانة وااايد مريحة وتاثر على النفسية

للاسف ان تجربتي هذي كانت بشهر 2 والجو كان غيم ورفيجاتي اختارو هالمكان لانة الاحلى وخاصة انه يطل على البحر

وانا بالطريج رايحة للمطعم الجو كان ممطر ففرصة اصور

وصلت الساعة 3 وما زال الجو ممطر

ولا اشوف البحر ما شاءالله ايين

ووصلت

كنا نبي قعد برة بس حسافة وقت المطر يسكرون القعدة برة

وياليت يعيدون دراسة القعدة برة بوقت الشتاء

ويشوفون طريقة مبتكرة بوقت المطر تكون مثلا مظلة كبيرة على هيئة زجاج تغطي القعدة برة وان الكل يقدر يقعد وخاصة انة المكان خطير بوقت الشتاء

فاطرينا نقعد داخل

Menuووصل الــ

على ما يوصل طلبنا انا بهالوقت احب اقعد اصور المكان

لاحظت هالشخص وانا قاعدة اصور

حتى اهو ودة يقعد برة مثلي