الوسم: الافنيوز

امس طرا علي بالي التمشي واحترت وين تم الترشيح للافنيوز وكان شي عجيب
رحت لغراند افنيوز انا من زمان عنه يمكن سنه بس الصراحه شي يونس
تتمشين وتمتعين انظرج بالمحلات والتصاميم والاحلي طحت لي علي درب
كله مطاعم كويتيه يرجعونج لكويت الماضي تريقنا بمطعم حليب وهيل
طلبنا حليب بالهيل والزعفران وحلينا بالمهلبيه يااااختي عجيبه

والجو غيم الله لايغير علينا يارب وحبيت اخليكم تعيشون معاي هالجو الحلو
وببببببببث ههههه

في كافيه بالافنيوز بالدور الارضي زحمة والناس صافين دووووووووووووور عليه امم

مو ذاكره اسمه بس اكيد اللي مطيحه بالافنيوز انتبهت له لان كل يوم هذي حالته

علامته صفرا ما ادري برتقاليه ما ادري خضراااا

امبيه لغز مو

بغيت اعرف شنو عنده علشان كله هالناس صافين له

من كثرماقهروني كتبت عنهم

ماعتقد مامرو عليكم

اهم شله عباره عن 3 اشخاص او اكثر

انا ماروح الافنيوز وايد

بس كل ماروح اشوفهم

طبعا الشكل استغفر الله كلهل عمليات تجميل والجسم

وتلقونهم يشرون من محلات الحريم اشياء مخله للاداب

سوو ربكه لكاشيرات بعض المحلات لدرجه ان كاشير محل من هالمحلات بعد ماحسبو عنده وانا حاسبت من وراهم ماقدر يكمل شغله ويحاسبلي قام يرجف من الصدمه ويستغفر ربه

شعرهم طويل بس مدخلينه بالكاب علشان مايبين

تافخين البرطم والخدود ورافعين الحاجب وفل ميكب

هل المنظرهذا يسمى بالديمقراطيه ؟

عيالنا اذا شافوهالاشكال شنو نشرحلهم

معقوله كل اللي بالافنيوز محد بلغ عنهم؟

مانبي نقول وين اهلهم

لان هالاشكال مستحيل عايشين عند اهلهم

اللهم اجعل أبناءنا من الصالحين وأنبتهم نباتا حسنا و
اجعلهم حراس الدين ومن الذاكرين والمذكورين والطف بهم اللهم علق قلوبهم بالمساجد وبطاعتك واجعلهم ممن توجه اليك واحبك.

هااي بنات اشلوونكم

اليوم اول مره اجرب مطعم قاردن بالافنيوز و صورتللكم جم صووره بعد معاناه لان الي وياي مايساعدون فشلوني بس كلشي عشانكم يهون

اول شي يابولنا خبز ايراني حاار و جبن ابييض عجييب

و طلبت شوربه عدس بس مو ذاك الزود لان مو ناعمه انا احب الشوربه الناعمه و هاذي شكلها جنه يريش

و طلبنا سلطه لذيذه كاانت اول وحده بالمنيوو

و طلبنا ورق عنب حلو بس عيبه انه بارد لانه لو حار جان صار احلا بس همن حلو كان

و حمص لذيييذ
بس مادري وين الصوووره

و شيش طاووق وايد بطاط حاطين فيه بس حلووو

و كباب جلوو مع عيش زعفران

و طلبنا وياه مرق باميا عجيييييب بس بدون لحم

و اخر شي حيااكم شاااي

و الفااتوره ماشفتها لان نونا المنكوشه عازمتناا كاانت و ماخلتني اشوفها ولا اصورها بعد

و قالتلي بتخرب علي الموضووووع ااذا نزلته لووووووووووووووووول

و بس علينا بالعااافيه و ان شاءالله يعجبكم تقريري

مرحبا بنات رحت الافنيوز والا اشوف محل شاي
غريب صراجه شنو جربتوا عندهم شفت واحد ياخذ نص كليو 14 اشدعوا من ذهب بس شكله حلو تقول ياباني