الوسم: الأكبر

كل وحدة منا قالت " امبيه متنت!!!!!!"
(سالوا الكاشيره اللي بالكفتريا و انتو تعرفون ليش متنتاو)

و اتفقنا ان السبب الرئيسي اهو الجو البارد في الفترة اللي طافت
( شكو!!! حبايبي العيب فيكم مو بالجو بالعكس احسن جو للرياضة)

و طبعا كل وحدة قالت تجربتها الفاشلة بالرجيم و اكتشفنا ان كلنا مخففين اكلنا بس متنا مو عارفين شنو السبب (الظاهر جسمكم من نوع اللي يمنت من الهوا):

المهم

اقترحت ان نسوي مسابقة الرابح الأكبر

اشلون!!!

مدة المسابقة شهر (مدة مناسبة لأن أجسامنا يبيلها تنزل بين 5-10كيلوات)

و كل وحدة تسوي النظام اللي يناسبها

و احنا 5 كل وحدة تقط 20 دينار =100 دينار من نصيب اللي تفوز طبعا

و اليوم يبت الميزان معاي الدوام و قسنا وزنا و سجلنا كل وحدة و وزنها (نصيحة سوي حفلة أكل قبلها بيوم علشان يزيد وزنج لا تستحين من وزنج خليعرفونه خصوصا اذا كنتاو وايد لان المبلغ بيكون محرز)

و اشوفهم والله مشتطين و وايد مستانسين على الفكرة

و عقب شهر بالضبط راح نوزن و نعرف منو الرابحة الأكبر (انشالله انا)