الوسم: الاستغفار

السلام عليكم يابنات .. كل عام وانتم بخير يارب . حبيت افيدكم واكتب تجاربي مع الاستغفار وراح ابدا بالموضوع ..

زمان كنت دايم اقرا عن الاستغفار وعن فضله وسمعت قصة الرجال اللي مرض وقرروا الاطباء انهم يقطعون رجله

ورفض رجع للبيت يستغفر الين الفجر ماجاه النوم بعدها نام شوي حلم الرسول عليه الصلاة والسلام يقوله

لاتقطعها .. صحي من النوم راح للمستشفى قالوا له مافيك ولا شي … سبحان الله من الاستغفار !!

انا اتشجعت قبل فتره وقلت ليش ماابدا استغفر ولو بعدد بسيط المداومه وان قل العدد افضل من الاكثار وهو منقطع

صرت استغفر بعد كل صلاه 100 بس ..

اول شي استغربت له كان والله العظيم يجيني الم في بطني فظيييع الاكل مقدر اكله استمرت الحاله معاي 9 شهور

بطني ماتقبل الاكل

بعدالاستغفار باسبوعين الالم اختفى بنسبة 70% ماشاء الله تبارك الله وارتحت راحه يارب لك الحمد ولسى مستمره ..

ثاني موقف صار لي كنت اطبخ باملطبخ ايدي انحرقت والجرح كان يالمني كثيرر ومحتاجه دوا ولصق

واكلم اهلي واحنا طالعين اقولهم مرو الصيدليه قالو بعدين .. رحنا السوق الا يوقف بجنبي ولد صغير

والله والله يابنات في ايده دوا ومعاه كرتون لصق (( بنات يمكن تشوفون القصه هاذي تافهه شوي )) بس والله استغربت

الولد عمره تقريبا 12 سنه .. قلت له ممكن تعطيني لصق واعطيك فلوس قالي لااااااااااا وعطاني كثير ومشيت وانا

مستغربه والله !!!

كنت اتمنى اتوظف جا اخوي يقولي ليش ماتشتغلين عن طريق البيت وافقت وصرت اساعده في شغله

ويعطيني مبلغ حلوو..

صديقتي كانت علاقتها سيئه باهلها خصوصا اختها الكبيره والله يابنات كانت تستغفر باعداد كبيره توصل لعشره الف ماشاالله

عليها .. اختها اتغيرت تماما صارت تطلب رضاها وتحن عليها وانفتحت عليها اشياء كثيرر..

جربو بنات والله ماتخسرون واللي تمل من الاستمرار انصحها تستغفر بعدد قليل بس يكون دايم ..

وسامحوني الموضوع شوي مو مرتب بس حبيت افيدكم مثل مااستفدت منكم كثير

السلام عليكم ورحمة الله …..

انشروووها

وقولوا لأهاليكم امك وابوك واخوانك وكل اللي تعرفونهم

عشان هي بجد طريقه سهله وميسره وتأكد انه لك ثواب بكل مره يستغفرون فيها بالطريقه هذي

كلنا عارفين فضل الإستغفار

خاصه اللي يستغفرون الف مره باليوم

لو تستغفر الف مره باليوم ان شالله بيتحقق لك امنيتك والشي اللي تسعى له بإذن الله

اي شي في بالك وودك ربي ييسره لك استغفرالله الف مره باليوم وان شالله يتممه ربي لك

إما ان تقول :

استغفر الله

او

استغفر الله الحي القيوم واتوب اليه

او

استغفر الله واتوب اليه

قال صلى الله عليه وسلم :

( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)

!! بس فيه مشكله

انه احياناً ننسى كم مره استغفرنا

لأنه عدد 1000 كبير شوي ونخربط

بس هالطريقه مررررررره روعه وسهله جربوها

الطريقه هي بالصور
http://www6.0zz0.com//08/16/03/808929125.jpg

عارفين كل اصبع فيه 3 اجزاء

كل جزء توقف عنده وتستغفر ( 5 ) مراات

على اجزاء اصابيع يدينك الثنتين كلهم

سبع مرات في اليوم

المحصله راح تكون استغفرت ربك اكثر من الف مره باليوم

مرررررررررررره سهل وسريع وماتنسى ولا تخربط

سبحان الله الاستغفار مفعوله سرييييييييييع

وبسرعه تشوف اثره

يعني اذا انزنقت اي وقت ولا تأخرت على شغلك او امتحانك

استغفر طول الطريق وبتوصل تلقى الأمور تمام ان شاءالله

يعني اي شي بسيط يضايقك استغفر وبتنفرج لك على طول بإذن الله

حتى لو تبي شي من امك ولا ابوك ولا زوجك وخايفه يرفض

استغفرررررررررري وبتلاقين جوابهم خير بإذن الله

يعني الاستغفار يفرررررررج الهم

ويسهل الأمور ويصير كل شي ماشي تمام

هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].

هل تريد قوة الجسم وصحة البدن والسلامة من العاهات والآفات والأمراض والاوصاب ؟
عليك بالاستغفار:{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].

هل تريد دفع الكوارث والسلامة من الحوادث والأمن من الفتن والمحن ؟
عليكم بالاستغفار: {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].

هل تريد الغيث المدرار والذرية الطيبة والولد الصالح والمال الحلال والرزق الواسع ؟
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].

طبعاً مو الواحد يتبطح لا شغل ولا مشغله ويقول بستغفر عشان الفلوس تجيني زي المطر

لازم الواحد يشتغل ويكافح

واذا حصل مصاعب يستغفر لين ربي يذلل هذي المصاعب بإذن الله

انشرها عشان كل واحد ترسل له و يستغفر

بهالطريقه ربي يكتب لك فيه ثواب