الوسم: الشخصيه

بسم الله الرحمن الرحيم

حبيت احط لي اضافه موضوع ويكون انشا الله مفيد للمتزوجين….وللمقبلين على الزواج (تعالوا لاتطلعون).

حبيباتي وأخواتي…لاتصيرين عنيده في كلامك وتوجيهاتك كوني اكثر تعاطف معه ولا تحكمين وتنتظرين منه التنفيذ وهو مجبر لان ذلك بيولد مشاكل انتي في غنى عنها اما اذا كنتي على حق فنصيحتي لك اذا عصب روحي وخليه لين يهداء علشان ماتتطور المشاااده(الهوشه)…..وصدقيني بتاخذين اللي تبين>>>(ان كيدهن لعظيم) تعا لي له وانتي هاديه حتى لو كنتي معصبه لاتوضحين ذلك وقولي ليه بهدوء وعقلانيه وربي ان يوافق تراهم يحنون احيان؟؟؟ولاتصدقون كل مرره عاااد هي مره ثنتين تفيد واذا عيا الشكوى لله لاتلحين …تراك تشينين نفسك بعينه وبس
وانت يااخوي ترى النساء نعمه من الله واترك كلمه المره مخلوقه من ضلع اعوج لانها ليست بهذا المقصود اللي انتوا فاهمينه…واذا شفت المره عصبت ولا تمالكت اعصابها(لاتسوي فيها بطل)نصيحتي اطلع من البيت نصف ساعه على الاقل واذا رجعت راح تشوف الحال اختلف ..واذا ماكلمتك ولا ردت عليك((حركات حريم)) لاتقعد تقول لها بالطقاق ومدري وش.خلها لين تهداء واذاكنت مزعله ارضها ياخي وربي ماينقص منك شيء وانتي بعد اذا كنتي المخطيه لاتخلينه ينام وهو زعلان انتبهي…هذي من تعليمات الرسول وسنته لنا..
اما من ناحيه لبسك اختي وعطرك ومظهرك فانا شفت اكثر من موضووع متكلمه عن ها الشيء واتمنى انها وصلت المعلومه للحريم…….بس انا ماقريت شيء للرجال؟؟؟

اخي الرجل ياشين اذا شافتك المره تتعطر تبي تطلع تسهر براء وتستانس مع اخوياك واذا حبيت تقعد معها قعدت بلا عطر ولا هم يحزنون ياخي ترى عليك مثل ماعليها تعطر لها والبس واكشخ وربي تكبر بعينها>>((لاتصدق نفسك وتكشخ بالشماغ 2 الفجر))يعني خذلك ترنج حلو او قميص((روب))وكشخ فيه وتعطر ..وسو نفس ماهي تسوي ..علشان تحس ان فيه احد يحس بتعبها ومجهودها..بس انتبه لاتقلدها مره((تروح تلطخ مكياج))هههههههههه
وانتي حبيبتي غيري شكل ترتيب غرفه النوم يعني غيري محل السرير والكراسي وغيري الاضاءه من فتره لفتره مررره زرقاء مره حمراء وشكلي على كيفك.
واذا كنتي ام نومي عيالك الساعه 8 او 9 يعني اهم شيء قبل يجي من سهرته ..خليه يحس بالهدوء وانك فاضيه له ماتقعدين((ياولد اقعد ياولد نم احسلك ياولد ذاكر ياولدازعجتنا))ترى ذي تصدعه ..لاتقولين عياله ايه هم عياله بس الرجال مهو زي الحرمه الرجال يطفش من الازعاج ويمل من البيت ومنك علشان كذا….
وانت ياخوي اذا لاحظت عليها كاشخه طيرها سماء واذا مغيره بنظام البيت امدحه حتى لو ماعجبك مررره يومين او ثلاثه وقل تصدقين اول هذا هنا احلى رجعيه …قلها كأنك تشاركها الراءي اذا قالت هنا حلو خلاص اسكت هي راعيه البيت.. جبلها هديه مرره بدون مناسبه..(مهو شرط غاليه شيء رمزي ))ترى نفرح حتى لو هي ورده..وانتي بعد اذا رحتي السوق اشريله شي وقولي اعجبني وخذته لك ..تراه يفرح حتى لو مابين ذلك….

وشكلي طولتها وبيختها,,,والكلااااااااااااام ما يخلص..بس عساي ..وصلت لكم فائده..وتراي اكتب من راسي زي ماقلت من تجاربي…وعسى كلامي اعجبكم وترى فيه اكثر بس الايام بيننا….وفي الختام,,

استودعكم الله الذي لاتضيع ودائعه…