الوسم: المستجدات

أول مابديت الكليه كنت مستعده ومستاااانسه مومصدقه وكل شوي أدق على أمي خخخخخ يمه وناسه ويمه وناسه لين إندمجت ويا البنات وهاتي ياسوالف إنتي أي مواد ماخذه هالكورس والله الجدول ثابت وهذي موادي
ردهم:-هيييييييييييييييييييييييييييي أمبيييييييييييييييييييييييه الله يعينج عند هذيل الدكاتره والله والله الله يعيييييييييينج صج صج بتتوهقين

عاد أنا ياخلاف الغصه وقفت برقبتي بتكلم موقادره واليوم الثاني على الثالث كل وحده تتكلم عن رايها بالدكتور وحده تقول زين وحده تقول شين وحده تقول ماعلييييييييييييج منهم

وللأسف الشديد طلعت بأول كورس بإنذار عام وتخصص

2-لاطحتي بمشكله مثلا مالعدل خايفه منه درجاتج موذاك الزود لاتروحين للبنات لأني التحطييييييييييم جاهز وماأقولكم جم بنت لا كلللللللللللللللللللهم والبنات إلي بيدخلون صدقوني راح يقولون نفس الحجي لأن هذا الشي مر علينا كلنا

روح على طول للرعايه الطلابيه بمكتبهم وروحي للمكتب إلي مكتوب عليه إسم تخصصج دخلي عليها وقوليلها كيت صدقيني جنهم فوزيه دريع متعدده خخخخخخخخخخ

قولي أنا هذي مشكلتي راح تفصلج كل شي تفصيييييييييل هاتي شهاداتج خنشوف درجاتج وتقولج شنو الحصيل وشنو تسوين

الدليل:-

بدايت الكورس الثاني كنت متوهقه موعارفه شسوي وتحطيم البنات مازال مستمر يعني ماكو وحده توقف معاج غير المستجده نفسج أسأل البنات شسوي وشالعمل وحده تقولج إخذي 3 مواد تخصص والثانيه تقولج لا إخذي 4 عام و2 تخصص وشدي حيلج وحده تقولج إبدأي بالصعب وحده تقولج إبدأي بالسهل وخلي الصعب بعدين

ليييييييييمن خلصوا المواد السهلين وألحين أنا والمواد الصعبه نتصارع<<<حسبي الله عليهم

3-حسيت نفسج موقادره تسوين جدولج هالكورررس روحي سييييييييييييييييييييده لمشرفج العام قوليله دكتور إنتا مشرفي وأنا بصراحه مستجده وموعارفه أسوي جدولي ممكن تساعدني راح يضبط جدولج ويقولج هالكورس أحسن تاخذين جذيه وتعادلين بجذيه ومن هالنواحي

الدليل:-

وكالعاده نصايح البنات إلي ماتتكلم غير عن نفسهم تمشي لاااااااا ديري بالج إستانسو بداية الكليه بعدين تتعقدين<<<عشتو
إخذي مواد عامه ووحده تخصص والمواد العامه إخذيهم سهلييييييين وهاج الدسته وإلا تقولج لاتزيدين عن 15 وحده أحسن لج وأخف لاحقه على المشوار إلي يغث

4-لاقعدتي قعدات وكونتي صداقات ويا بنات بالكليه سولفي وإصحكي وياهم بس إذا تكلموا عن الدكاتره بزين وإلا بشين حطين إذن منيه والثانيه خرميها عشان الكلام يسرب ومهما كانت البنت ثقه وتتكلم بكلمة الجميع وتقولج الكل همن عديها لاتخلين شي بنفسج منهم

الدليل:-

طبع كل قعده ماتخلي من هالذره عن الكلييه ودكاترها تجي وحده تقول حسبي الله عليه هالدكتور وجهه مووجه خيير كلش ليش وتوقف جنبها الثانيه إي والله مايخلي البنت تدخل بعده<<<خو أكيد محاضرته ويبي البنات يهتمون
مالت عليه زين لا والنفسيه إلي بالمحاضره<<<ليه تبينه يدلعج
حتى إمتحاناته تغث على ناس وناس<<<هالناس إهتمت ولقت المحصول الطيب وإنتوا محصولكم أكيد ردي على هالحركات

وطبعا هالدكتور على كثر ماسبو فيه البنات خذت عنده الكورس إلي طاف وخليت البنات عدواتي والله الكل إنصدم مني وشلون جبت هالدرجه على كل درجاتي إلي كانت موزينه شديت حيلي معاه وصرت ماغيب بمحاضراته وأجي قبل لايجي وأكتب كل شي يقوله وخذيت عنده B+ <<<الكلام عن محمد نعناع يابنات العربي والإسلاميه

أول كورس لي على كلام البنات خذيت F
والكورس إلي راح مال شهر 9 خذيت فيه B+

هذي قدرتي الأصليه

نصايح شخصيه:-

بنات والله نصيحه إنتي دخلتي بإرادتج دخلتي بروحج يعني هذا مجال وإنفتح لج لاتخلين منو مايكون يدخل معاج فيه حياتج وإنتي تعرفين تقيمين نفسج صح فيه دكاتره عسرييييييييييين حيل بس إلي تمشي معاهم صح يعطون صح وفيه دكاتره حيييييييييييييييييييييييل طيبين ودرجاتهم تهبل وهمن لاصرتي وياه صح ولاسمح الله تعثرتي عنجه بدرجه يشوف حضورج يقيمج كإنسانه مهتمه ومن تكلمينه يدق لج الصدق ويتفاهم وياج بكل إحترام

أنا طالبه من دخلت الكليه وركضت ويا البنات ماخصلت عفيه قوليلي ساعديني والله ماعرف شي وإلا اجيبلهم درجتي ويقولون موغريبه تاخذين عند هالدكتور هالدرجه فرحي وكنت أستانس على هالكلام لأن الكل نفسي يعني موبس أنا

ليمن شفت الدرجات بالفاينل لا الكل ماخذ A وB واالباقين C وD يعين قدروا يعني الدكتور مايفضل ناس على ناس هذيل أجتهدو وهذيل لأ

سمعوا هالسالفه إلي صارت وياي شخصيااااااااااا ً وصدقوني بتخلونها لكم عبره وبكتب معاها معدلاتي عشان تشوفون الصج

تكودت علي الإنذارات وبقدرت قادر الكورس مال شهر 9 إلي طاف إيه إلي طاف يعني سنه 3 لي شلت إنذار العام وكانت 1.88 وصارت2.34

حلو

بس التخصص مازال نازل1.67

عطوني مجال وقالولي هذي آخر مهله لج والماجل كان الرابع عقب ماطلبت منهم إعادة قيد يعني فاصليني إلا شي ومايبقالي غير الكورس الثاني إلي هو مال شهر 3 إلي طاف أشد حيلي
وخذيت مواد صعبه والبنات يعرفون العقييييييييييده الإسلاميه وصعوبتها ومدخل إلى الفقه الإسلامي ودسامته
رغم كل الضغوطات إلي جتني ونفس حالتي سمعتها فبداية الكورس أمبيه العقيده زين تجيبين فيها f يعني سقوط وأنا عبرتي صاااكه شلون يعني بيفصلوني وإلي تجي تقول مدخل يااااااااو عند هالدكتور الله يعييييييييييييييييييينج والباقين إلي يقولون ياحياتي الله يوفقج ميخالف لما تنفصلين تردين<<<يعني خلاص فصلوني

ليمن جتن بنت الحلال وقالت كل واحد وقدرته أنا كنت نفسج ليمن عرفت قيمت نفسي وكلمتها رنت بإذن رن وقعدت مع حالي ألحين معقوله فيه بنات يجيبون A وأنا موقادره أجيبه يعني لهدرجه أنا موقدر مسؤوليه مدتها معروفه مولعمر كله ظليت أسمع كلام البنات لييييييييمن تعبت وهذا محصولي دخلت النت وقعدت أقرأ شلون أقوي عزيمتي وإرادتي للدراسه أو بالأحرى شلون أشجع نفسي بنفسي من دون لا أحتاج لأحد

وفعلن من ثاني يوم جيتهم بنت ثانيه يقولون ها بشري شلون العقيده معاج ميخالف هونيها وتهون وأسايرهم أقول إيه إيه ومن داخلي أقول أنا أكبر منهم وأكيد أحسن منهم وراح أشوف بالآخر إهما وإلا إرادتي وعزيمتي بنفسي

والله والله والله جبت بالعقيده d وبالمدخل a يعني هذي كانت درجاتي

مدخل A <<<عليها 3 وحدات
العقيده D<<< عليها 3 وحدات
ماده ثانيه D<<< عليها وحدتين
ماده ثالثه D<<<عليهاوحدتين
ماده رابعC+<<<عليها 3 وحدات
ماده خمسه A<<<عليها وحدتين

مع العلم المدخل والعقيده كنت عايدتهم وخذيتهم الكورس إلي طاف يعني يدبلون الدرجه

بنات المستمرات إلي تشوفونه شبتقولون حتى أنا قلته الD معروووووفه تخصس المعدل فما بالكم 3 D
يعني تخفيييييييس معدل موطبييييييييييعيييييييي

كل البنات يقولون سقوووووووووووووط خلاص يافيونكا لاتتضايقين هونيها وتهون

والله يابنات كانت عندي عزيمه إني راح يرتفع معدلي وأكون أحسن من معدلهم
ودعيت ربي إن هو أعلم بنيتي وإني إجتهدت كثر ماأقدر

والله يابنات هذا صار معدلي

تخصص :2.19 عام 2.52

شراييييييييكم وهذا أنا ناسخته نسخ من الموقع
البنات وجيهم صفرت وقالوا مبروك مبروك

وأنا الحمدالله فرحت وكثرمافرحت سجدت وشكرت ربي

ومن حزتها عرفت إن المفروض ماندخل أحد بحياتنا حتى لو شي تافه لهم نظره غير نظرات وكل واحد ووجهة نظره

فيه دكتور صعب صح وإمتحاناته صعبه بس مايجيب سؤال من الهو إلي يدرس عدددددددل يكون هالدكتور سهل عنده وياخذ عنده مره ثانيه وثالثه ورابعه

وفيه دكاتره هينين بس لازم بعد نشد الحيل

الغياب والحضور لاتتهاونون فيه ياما بنات بغوا يسقطون بالماده وأنقذهم الغياب والحضور
درجاته موهينه

والدكاتره يحترمون البنت إلي تمشي معاهم سيده وتواضب على الماده وماتغيب وتعطيهم البحث أول بأول
أما البنت إلي ماتحضر وكله تزرق من المحاضره وتغيب وبحوثها بعد السنه حسنه تعطيهم أكيد بتذم الماده والدكتوره والمقرر بكبره

ولاتزرقوووووووون من المحاضره عشان والله بستانس مع البنات والله بنروح هالمكان بناكل ومادري شنو
قوليلي للدكتور أبي أستأذن وفيه واجد يخلونج بكيفج وفيه واجد يقولون لأ

وهذي كااااااااااااااااافة النصايح العامه إلي عندي وتعين كل طالبه مستجده بإذن الله

وإن شاء الله خواتي المستمرات ماراح يقصرون بيزيدون على الموضوع نصايح تعرضوا لها

نصيحه من محبه وأتمنى تهتمون فيها ولاتضيعون مثل ماضعنا بسبب تافه

إختكم