الوسم: المملل

انا صراحه خوافه ووبعدين سمعت انه في انواع مساجات يزرق ويبقع وانا صراحه مابي اعطي وحده مجال تطلع حرتها فيني

المهم رحت المكان وياحليلهم يونسون..اي نعم انج تسالينها سؤال والجواب بوادي ثاني..بس من جمال انجليزيي مع انجليزييها طلعنا انجليزي اتحدى اي انجليزي دارس لغه شكسبيريه يفهمه لووووووووول

كنت وايحه مع اختي.. دفعنا 120 وشربتنه شاي اخضر.. عاد انا لازم اسال وت از زز..جان تقول جود فور فات … جان الطه لط.. ولا تقولي شاي اخضر …سؤال عالسريع ليش شايهم الاخضر حلو والشاي اللي نشتريه مر.. عاد انا سالت هاو مش… جان تقولي 10 ..قلتلها تن خليه عندج عيل
لوووول

دخلتنا الغرفه…صراحه الغرفه حليوه …مسوين ستاره و مسكرينها بشبابيص يعني ديكور خخخ
المهم

المساج حلو… اول شي دلكت ويهي وشعري وضغطت على نقاط معينه.. هني تسترخين والوضع

ووبعدين تنزل لي باجي الجسم هني شوي تختلف النوعيه اذا كنتي نايمه ومسترخيه لء بتقطع نسمج تقعد تفقص وما ادري شتسوي ..الظاهر استانست على رايحه وراده وتهتز كريشتي… عاد انا من متني اونس جني جلي كلشي فيني يتخضخض

المهم خلصت منا وردت شربتنا شاي الجود وعطتني حبه الصراحه يا خواتي انا خايفه من الحبه لاني ما ادري شنو… انا سالتها شنو .. جاوبتني ما ادري شنو.. شكلي باخذهم وبغلهم

ترا نفسياتهم حلوة… واجنا طالعين جان نمر الثاني وايد احلى ديكوره… وبما انا شعب يحب كل جميل الجلسه اليايه اللي اهي باجر بروح المكان الحلو